Գնահատեք բժիշկ Նարեկ Մելքոնյանին
Բժիշկ Նարեկ Մելքոնյանի Գնահատականները
Բժշկին գտել ենք այս կայքի միջոցով, սխալ արեցինք, որ առանց պայմանավորվել գնացինք, քանի որ պարզվեց աշխատանքի վայրը փոխել է։ Նախկին աշխատանքի տեղից հուշեցին, որ տեղափոխվել է Նաիրի ԲԿ։ Գնացինք արդեն պայմանավորվելով։ Շատ գոհ ենք, դրա համար ցանկացանք որտեղ որ իմացել էինք բժշկի մասին, այնտեղ էլ կիսվենք մեր կարծիքով։ Մամայիս վիրահատեց, քարը հեռացրեց միզածորանից, հաջորդ օրը առավոտյան արդեն տանն ենք եղել։ Վերաբերմունք ունի, գնալ գալիս է, ինչքան հարց տալիս ես, հանգիստ պատասխանում է, ու մենակ ինքը չէ, ողջ կոլեկտիվը, քույրերից բռնած ավարտած ամենահասարակ մաքրուհին։ Սենյակները իդեալական են, քեզ մարդ ես զգում։ Սնունդը մեջը։ Անկեղծ կասեմ, որ իմացանք Նաիրի, մտածեցինք, որ աստղաբաշխական թվեր են կազմելու բուժումը, բայց լուրջ տարբերություն չզգացվեց, ավելին մի քանի տեղ հետաքրքրվել էինք, մի երկու տեղից նույնիսկ էժան բռնեց։ Կարճ ասած, առաջին անգամ էինք ինտերնետով բժշկի գնում, բայց երևի դրանից ճիշտը չկա։ Ինչ գրած է, լրիվ ճիշտ է։ Մտածում ենք հաջորդ ամիս երևի պապայիս տանենք, արդեն ադենոման վիրահատի, հատկապես, որ պապայիս աչքի լույսն է դարձել, ամբողջ օրը ուր նստի Նարեկ է ասում։
Աստծո օրհնությունը բժիշկ Մելքոնյանին ու իր եղբորը, ով նույնպես ուրոլոգ է։ Երկու եղբայր են, երկու լույս մեր դժգույն օրերում։ Շնորհակալ ենք մեր ողջ ընտանիքի կողմից նրանց ծնողներին, որ նման ազգանվեր տղաներ են մեծացրել։ Փրկել են մորս կյանքը, ով չնայած պատկառելի տարիքին արդեն տարուց ավել է մեր կողքին է ու ամեն օր օրհնում է մեր երիտասարդ բժիշկներին։ Մայրս ցավեր ունեցավ մեջքի շրջանում, սոնոգրաֆիա արեցինք պոլիկլինիկայում, հայտնաբերվեց երիկամի քաղցկեղ ու պոլիկլինիկայի բժիշկը մեզ խորհուրդ տվեց դիմել ուրոլոգի։ Մեր պոլիկլինիկայում ուրոլոգ չկա, մեզ քիչ խորթ ասպարեզ էր ու այդպես սկսեցինք պտտվել տարբեր հիվանդանոցներով։ Մորս տարիքը մեծ է, չցանկացանք կտրվածքով ու ծանր վիրահատությունից հետո ընթացք ունենալ։ Մայրս նախկինում վիրահատված էր, դրա համար շատերը հրաժարվեցին վիրահատել էնդոսկոպիկ, այսինքն ոչ կտրվածքով, մի խոսքով լսեցինք լիքը կարծիք, նույնիսկ ասացին հնարավոր չի առանց կտրվածք ու շատ բարդ ներկայացվեց։ Երևի բախտի բան էր, լսեցինք եղայրների մասին։ Բժիշկ նարեկը մեր հետազոտությունները նայեց, ասաց, որ կանեն ու եղբոր հետ փակ եղանակով վիրահատությունը արեցին։ Մայրս երրորդ օրը տանն էր արդեն, մեր կողքին։ Երախտիքի խոսքերը քիչ են։ Ուղղակի շնորհակալ ենք։ Աստված ձեզ երկուսիդ պահապան տղաներ։
Բժշկի մասին իմացել ենք ինտերնետում ուռոլոգ փնտրելով: Լավ կարծիքներ կարդացինք և դիմել ենք բժշկին: Անչափ գոհ ենք: Շատ լավ մարդ է իր տեսակով, հետազոտվեցինք, անձամբ մեզ հետազոտեց, սոնոգրաֆիա իրականացրեց, էկրանին մանրամասն բացատրեց: Ես, որ սոնոգրաֆիայից ընդհանրապես տեղյակ չէի, հիմա մի քիչ հասկանում եմ գոնե որտեղ է երիկամս ու իրենից ինչ է ներկայացնում էկրանի վրա՝ չնայած բազմաթիվ անգամներ անցել եմ այդ հետազոտությունը: Հետազոտության ժամանակ բժիշկը ասաց, որ քարս չափերով փոքր է ու ինքնուրույն ընկնելու հավանականությունը շատ մեծ է, ու այդպես էլ եղավ, մի քանի օրից քարս ընկավ բուժման ֆոնին: Այնպես որ մենակ դրական բաներ կարող ենք ասել բժշկի մասին, հանգիստ կարող եք դիմել, չեք փոշմանի:
Մեր ողջ ազգի բժիշկն է բժիշկ Նարեկը: Ինչ խնդիր լինի դիմում ենք նրան, միշտ օգնել է ու միշտ օգնում է: Կապ չունի իր մասնագիտականի հետ կապ ունի թե չէ: Սրտացավ է, ազնիվ է, գրագետ է: Մեր շփումը սկսվել է 8 տարի առաջ, երբ շտապ օգնությամբ բերեցին հանրապետական հիվանդանոց, ինքը հերթապահ ուրոլոգն էր: Ցավերից դուրս բերեց հետո էլ նշանակեց բուժում, քարս ընկավ: Դրանից հետո ինչ լինի իրան ենք դիմում:
Բժշկին դիմել ենք երիկամի նորագոյացության կապակցությամբ։ Մեզ մի քանի տեղ առաջարկել էին երիկամի ամբողջական հեռացում, քանի որ երիկամի վրա մի քանի գոյացություններ էին, մեկը չէր ու այդպես սկսեցինք փնտրել մասնագետ։ Մեր բարեկամին էլ էր վիրահատել, ասացին անպայման իր կարծիքը լսեք ու այդպես էլ արեցինք։ Դիսկը նայեց, առաջարկեց լապարասկոպիկ եղանակով գոյացությունները մաքրել, անկեղծ հավատացինք ու չսխալվեցինք։ Հետազոտվեցինք, մի քիչ այլ առողջական խնդիրներ էլ կային, բոլոր մասնագետները նայեցին, օրը ընտրեցինք ու վիրահատվեցինք։ Ամեն ինչ շատ լավ անցավ։ Բժիշկը ինչպես խոստացել էր երիկամը պահպանել, էր, իսկ որ ամենազարմանալին էր պացիենտը հաջորդ օրը արդեն քայլում էր, բժիշկը առաջարկեց տուն գնալ, բայց վախեցանք, մեկ օր ավել մնացինք, բայց ինչպես ցույց տվեց փորձը կարող էինք հանգիստ գնալ տուն։ Անպայման ցանկացանք մեր փորձի մասին կիսվել բոլորիդ հետ ու ասել, որ կարող եք բժիշկ Նարեկին մոտենալ առանց կասկածի, ինքը իր գործի գիտակն է։ Շնորհակալ ենք ցուցաբերած բարձր մասնագիտական մոտեցման, հոգատարության և մարդկային ջերմության համար։
| Տեղադրվել է 10/2/2025