Գնահատեք բժիշկ Անուշ Ալեքսանյանին
Բժիշկ Անուշ Ալեքսանյանի Գնահատականները
Նախ առաջինը ուզում եմ շնորհակալություն հայտնել Անուշին ինձ նորից կյանքի վերադարձնելու համար։ Լուսավոր պարզ հոգատար մարդ։ Երկար ժամանակ էր ինչ ունեի խնդիրներ ընտանիքում, ծնողների բաժանումից հետո անընդհատ վեճեր մայրիկիս հետ։ Փոքրուց եկած կոմպլեքսներ, այնքան էր խորացել այս վիճակը որ մտածում էի աշխարհի ամենադժբախտ մարդն եմ։ Եվ ինձ շատ մոտ ընկերոջ խորհրդով դիմեցի Անուշին։ Այցել եմ մոտ վեց - յոթ անգամ, ուզում եմ ասել ինչքան շատ եմ ես փոխվել, ինչքան լավ եմ ինձ զգում , կյանքի նկատմամբ վերաբերմունքս ամբողջովին փոխվել է ։ Երբեք չեմ մտածել որ ես կարող եմ այսքան ուրախ ու հանգիստ լինեմ։ Աննկարագրելի զգացողութուն է։
Տարիներ առաջ ես դիմել եմ մի քանի հոգեբաների, որովհետև ունեի նևրոզ, ոչ մեկը չկարողացավ ինձ օգնել: Անգամ դիմել եմ ամենահայտնի ու ճանաչված հոգեբանին, որը ինձ ոչ թե օգնում էր, այլ նաև վախեցնում էր, որ դու էս բանը չանես, սենց կլինի, նենց կլինի: Մի անգամ էլ, բավական աշխատանքից հետո, ինձ ասեց դու իմ հիվանդը չես՝ մատնանշելով, որ հոգեբուժի կարիք ունեմ: Դրանից հետո շատ ավելի վատ էի զգում ինձ: Հետո գտա մեկ ուրիշ հոգեբանի, որին արդեն սովորել էի ու տարիներ էին անցել, թվում էր, թե լավ եմ, բայց իրականում ես էի աշխատում իմ վրա: Աղջիկս մի օր սարսափ ֆիլմ էր նայել ու վախեցել էր, աչքին գիշերը բաներ էին երևում, ու ես դիմեցի մի պրոֆեսիոնալ անձնակազմի որտեղ աշխատում էր Անուշ Ալեքսանյանը: Աղջիկս մի քանի օրից մոռացավ իր վախերի մասին: Հետո աղջկաս խնդիրների քննարկման ընթացքում Անուշը հասկացավ, որ ես ինքս տագնապային վիճակում եմ: Ու ես խնդրեցի մի քանի օր հանդիպենք: Ամեն օր աշխատելով ես հասկանում էի, որ ոչ մի մասնագետ չի գտել իմ մեջ այն ինչ այդքան տարիներ ինձ տանջել ու հանգիստ չի տվել: Ես կթվարկեմ իմ բոլր վախերը՝ ինքնաթիռ նստելու վախ, մենակ մնալու վախ, կեսուրի հետ ապրելու, քաղաքից դուրս գնալու, տնից հեռու լինելու, նոր բան փրձելու, օտար մարդկանց միջավայրում լինելու, մեքենա վարելու ու նման անթիվ անհամար ֆոբիաներ, որոնք սահմանափակում էին կյանքս ու ընտանիքիս կյանքը: Ինձ թվում էր, երբեք չեմ ազատվի էդ վախերից: Ես ունեի նաև տարիներով կուտակված վիրավորանքի ու բարկության զգացում, չէի ներում որոշ մարկանց: Հիմա ես ներել գիտեմ, ու նույնիս ունեմ հանգիտ ու լավ հարաբերություններ տվյալ մարդկանց հետ, շխատում եմ, մի քանի անգամ մեկնել եմ արտերկիր, ինքնաթիռում զգացել եմ ինձ ինչպես տաքսու մեջ, այնինչ դա անհաղթահարելի դժվարությւն էր թվում արդեն տարիներ շարունակ, մնում եմ մենակ և չեմ նկատում, ազատ այցելում եմ տարբեր հավաքների ու միջոցառումների, չունեմ բացարձակ տագնապի զգացում, ուրախ եմ ու ինձ վստահ եմ զգում, նոր նպատակներ եմ դնում և հասնում դրանց: Անուշի հետ իմ կյանքում շատ բան եմ փոխել և փոխում:
Ես Անուշ Ալեքսանյանին ճանաչում եմ յութուբյան ալիքից և ֆեյսբուքից…Անուշի հետ աշխատեցինք 2 ամիս:Նա օգնեց ինձ վերագտնել ինձ:Իմ կյանքում 1,5 տարում տեղի ունեցան կյանքում կարևոր փոփոխություններ ՝երջանիկ,բայց միևնույն պահին սթրեսային /ամուսնություն,ալլ երկիր տեղափոխվել.երեխայի ծնունդ/:Ես այս կարճ ժամանակահատվածում նկատեցի դրական փոփոխութննուններ մոտս:Ափսոսում եմ միայն նրա համար ,որ ավելի վաղ չեմ դիմել հոգեբանի :Եվ միանշանակ բոլորին խորհուրդ կտամ Անուշի նման հոգեբանին ,եթե ցանկանում եք ձեր կյանքը փոխել դեպի լավը…
Ես Անուշ Ալեքսանյանին ճանաչում են գրեթե 4 տարի։ Նա ինձ շատ է օգնել երեխաներիս դաստիարակության հարցում։ Նրա տված խորհուրդները ես կիրառում եմ կյանքի տարբեր իրավիճակներում։ Նա իսկապես հրաշագործ է։ Երբ 7 տարեկան տղաս ինձ բացարձակ չէր ենթարկվում, թերանում էր ուսման հարցում, ստիված դիմեցի մասնագետի։ Անուշի մոտ այցելություններից հետո կարծես հրաշք տեղի ունեցավ՝ ամեն ինչ փոխվեց մեր ընտանիքում․ երեխաս դարձավ պարտաճանաչ, կարգապահ, սկսեց լավ սովորել։ Չնայած մեր հանդիպումց հետո գրեթե բոլոր խնդիրները կարգավորվել են, բայց ես ժամանակ առ ժամանակ կարիք եմ ունենում հանդիպելու արդեն ինձ և մեր ընտանիքին հարազատ դարձած Անուշին։ Ես միանշանակ խորհուրդ եմ տալիս կյանքի դժվարին պահերին դիմել Անուշին, նա ձեզ անկասկած ճիշտ ուղի ցույց կտա։ Սխալ է այն կարծիքը, որ մենք ինքնուրույն գլուխ կհանենք։ Հիմա այնքան իրարամերժ նյութեր են հրապարակում համացանցում (հատկապես երեխաների <<ճիշտ>> դաստիարակության թեմայով), որ չես հասկանում՝ որն է ճիշտ։ Այդ պատճառով էլ, պետք է յուրաքանչյուր մարդ ունենա իր հոգեբանը և պետք եղած ժամանակ դիմի նրան։
Անուշի հետ աշխատել ենք մեկ ամիս, որից հետո նկատել եմ բազմաթիվ դրական փոփոխություններ: Խնդիրներս ներանձնային էին՝ վախեր, կպչուն մտքեր, կրկնվող տագնապային զգացողություններ: Շարունակ պայքարի մեջ էի ինքս ինձ հետ, ևայս ամենը չէր կարող բացասաբար չանդրադառնալ կյանքի որակի վրա: Շնորհակալ եմ շատ Անուշին, որ էս բոլոր տհաճ երևույթների մասին հիմա կարող եմ անցյալով խոսել: Համբերատար, անչափ հոգատար և ուշադիր մասնագետ, ով կարողանում է լսել և ում հետ ուզում ես անընդհատ խոսել: Անուշի դրական էներգիայի մասին բոլորը գիտեն )) Շատ հետաքրքրիր և ինֆորմատիվ են նաև Անուշի ֆեյսբուքյան ուղիղ եթերները, որոնց ամեն անգամ անհամբեր սպասում եմ: :)
| Տեղադրվել է 4/10/2020