Գնահատեք բժիշկ Անուշ Ալեքսանյանին
Բժիշկ Անուշ Ալեքսանյանի Գնահատականները
Բարևներ Կենտրոնական Եվրոպայից, իմ անունը Հայկ է, մասնագիտությամբ բժիշկ եմ նաև դասախոս. Դասավանդում եմ Ավստրիայում բժշկական ֆակուլտետում. Տիկին Ալեքսանյանին ծանոթացել եմ նրա դասախոսություններից, այդ ժամանակահատվածում որոշ անձնային խնդիրներիս լուծման համար ինձ հարկավոր էր հոգեբան, որի ինտելեկտը առնվազն կբավարարեր ինձ . Ուսումնասիրություններ եմ կատարել հայալեզու հոգեբանների շրջանում, բազմաթիվ անգրագետ/կիսագրագետ մասնագետների մեջ Անուշը ֆանտաստիկ բացահայտում էր, Անուշի գիտելիքները Հայաստանի սահմաններից ու մակարդակից անգամներով ավելին է, շնորհակալ եմ Աստծուն որ նա չի արտագաղթում, քանի որ Հայաստանին նա պետք է, եթե Հայաստանում կան երեք հոգեբաններ ապա Անուշը նրանց մեջ է. Բրավո տիկին Ալեքսանյան և շնորհակալություն ձեր պատասխանատու և մարդ տեսակի համար... Հարգանքներով. Հ. Մ ելքումյան, Վիեննա, Ավստրիա
Անուշի մասին շատ դրական կարծիքներ լսելուց հետո որոշեցի այցելել նրան… ցավալին այն էր որ այցերի ժամանակ ես զգում է որ ինձ ոչ թե օգնում են այլ քննադատում, նշում սխաներս ես լիովին այլ ակնկալիքներ ունեի…
Ես ուրախ եմ երաշխավորել Անուշ Ալեքսանյանին որպես հոգեբանի: Մեր կյանքում բացասական փոփոխությունները միանգամից չեն կատարվում: Դրանք հաճախ կյանքի տարբեր իրադարձությունների հետևանք են, որոնք ինչ-որ պահի սկսում են արտահայտվել: Անուշի օգնությամբ հաղթահարել եմ իմ կյանքի բարդ շրջաններից մեկը: Ավելին, կարող եմ ասել, որ ոչ միայն հաղթահարել եմ իմ խնդիրները, այլ նաև զգալի նվաճումներ եմ ունեցել կյանքում այս ընթացքում: Անուշի աշխատանքի հետևանքով ոչ միայն լուծվել են ինձ անհանգստացնող հարցերը, այլ նաև զարգացրել եմ ինքնավելուծության հմտություններս: Ես շատ կուզենայի, որ մարդիկ հոգեբանի դիմեն ոչ միայն այն ժամանակ, երբ ամեն ինչ շատ վատ է, այլ նաև այն ժամանակ, երբ մտածում են իրենց հմտությունները զարգացնելու մասին կամ կյանքի ցանկացած անցումային շրջանում: Ես հասկացել եմ, որ կյանքի իրադարձությունները չեն որոշում մեր երջանիկ կամ դժբախտ լինելը, այլ հակառակը՝ մեր ներքին ապրումները ազդում են կյանքի իրադարձությունների վրա: Հոգ տարեք Ձեր հոգեկան առողջության մասին և կտեսնեք, թե որքան եք սիրում ինքներդ Ձեզ, Ձեր կյանքը ու աշխարհը:
Ես Անուշի գործունեությանը ծանոթացա վերջերս, այս կառանտինի ընթացքում, ուղիղ եթերների միջոցով։ Գիտե՞ք՝ ոնց։ Մեկ շաբաթում նայեցի բոլոր ուղիղ եթերները ու ամեն եթերը նայելուց հետո ներքին հանգստություն ու խաղաղություն էի զգում։ Դրանք, առաջին հերթին, նոր գիտելիքի աղբյուր էին ու դրդում էին ինձ՝ վերլուծել իմ անցած կյանքը, իմ մտքերը, իմ քայլերը։ Ինձ համար դրանք հավասարազոր էին հոգեթերապիայի մի ամբողջ կուրսի ու ես շատ շնորհակալ եմ Ձեզ, Անուշ ջան, իմ գիտելիքի բացը լրացնելու համար։ Շնորհակալ եմ ոգեշնչելու ու դրական մտքեր հաղորդելու համար։ Միշտ հետևելու եմ Ձեր գործունեությանը 🧡
Հոգեբան լինելուց առաջ Անուշը Մարդ է, մարդ, ով լսում է քեզ, ապրումակցում քեզ հետ, կիսում ու իր վրա է վերցնում քեզ համար՝ ողբերգություն, բայց, իրականում, սիսեռահատիկի մեծություն ունեցող խնդիրը։ Քո իսկ միջոցով նա լուծում է քո ու քո մտքերի միջև բոլոր վեճերը, բացատրում բոլոր մեխանիզմները, հասկացնում այն ամենը, ինչը, իրականում, պետք է հասկանալ, նա զարգացնում է քո մեջ հզոր մի զենք՝ վերլուծական միտքը. Անուշը սովորեցնում է մտածել։ Իսկ մտածող մարդը գտնում է լուծումներ ցանկացած խրթին իրադրության պայմաններում։ Իսկ ամենաշատը ես շնորհակալ եմ նրան իր ընկերության, հումորի, պարզության ու անկեղծության համար։ Իմ լավագույն ընկերը հենց Անուշն էր, ով ինձ ցույց տվեց, որ դժվարին իրավիճակներում, սարսափահար մտքերի անվերջանալի հոսքում, պատրանքների աշխարհում ինքս ինձ կորցնելու «վտանգի» առջև կանգնած՝ իմ լավագույն ընկերը հենց ես եմ։
| Տեղադրվել է 7/28/2020