Գնահատեք բժիշկ Վահան Վարդապետյանին
Բժիշկ Վահան Վարդապետյանի Գնահատականները
Բժշկի մոտ բուժվել եմ մոտ 2 ամիս: Շատ դժգոհ եմ: Իր մասնագիտական գիտելիքների մասին շատ բան ասել չեմ կարող, բայց որ գրեթե բոլորին նույն բուժման մոտեցումն է ցուցաբերում, դա հաստատ կարող եմ ասել: Անձամբ իմ դեպքում կատարել է օվուլյացիայի խթանում (այն էլ այնպիսի դեղեր, որոնք կարող են վատ հետեևանքներ թողնել), որի անհրաժեշտությունը, պարզվում է, բացարձակ չի եղել, քանի որ ես նման խնդիր իսկզբանե չունեի: Իսկ ամենավատն այն է, որ գրեթե բոլոր հիվանդներին նույն կերպ է փորձում բուժել, առանց նորմալ ծանոթանալու հիմանդի գանգատների,: Մանավանդ, երբ նույնիսկ մասնագիտական հարցերին պատասպանում է բուժքույրը, դեղատոմսը գրում է բուժքույր: Խորհուրդ կտայի նման բժիշների չայցելել:
Բժշկից դժգոհ եմ շատ, այցելել եմ երկու անգամ, երկուսն էլ սպասել եմ շատ երկար… Երկրորդ անգամ երկու ժամ սպասեցի, այդպես էլ ինձ չընդունեց, ստիպված եմ եղել ուղղակի հեռանալ… ընդունելության կոնկրետ ժամ չկա, բազմաքանակ հերթեր, հարցերին պատասխանում է մեծ դժկամությամբ, եթե ուզում ես որևէ բան ճշտել հեռախոսով, պարզապես պատասխանում է «ժամանակ չունեմ, ինձ էլ մի զանգեք», հետազոտության համար ուղարկում է միայն իր «վստահելի» լաբորատորիան… բուժման արդյունավետության մասին ոչինչ ասել չեմ կարող, քանի որ այդ փուլին այդպես էլ չհասանք
Իբրև անձ՝ հետաքրքիր, կասեի նույնիսկ արտիստիկ կերպար է, բավականին գրագետ մասնագետի տպավորություն է թողնում: Արդյունքի մասին դեռ վաղ է խոսել, քանի որ դեռ հետազոտությունների փուլն է, սակայն ինձ լիովին գոհացնում են բուժման առաջարկվող մոտեցումները: Ինձ դուր չեկավ միայն այն փաստը, որ գրեթե բոլոր հայ բժիշկների նման վատաբանում կամ քննադատում է նախկին բժիշկներին: Սա կարծում եմ՝ ավելի շատ ազգային նկարագիր է, քան կոնկրետ անձի խնդիր: Չեմ կիսում նախորդ մեկնաբանության հեղինակի կարծիքը, որ բավարար ժամանակ չի տրամադրում պացիենտին: Իմ պարագայում երկու այցելության ժամանակ հանգամանորեն ու համակողմանիորեն քննարկել է խնդիրը, սպառիչ պատասխանել ինձ հուզող բոլոր հարցերին: Ընդհանուր առմամբ բավականին գոհ եմ բժշկից:
Շատ դժգոհ եմ։ Մեկ տարվա ընթացքում աղջկաս նշանակել է բարձր դոզայով դեղորայք և բուժելու փոխարեն ավելի շատ վնասել է։ Այսօր կանգնել ենք փաստի առաջ։ Պարզվեց, որ փողերը փակ են և ամբողջ արգանդի խոռոչը պոլիպ է։ ՄԵԿ տարվա ընթացքում միայն գումար է թափել և հիմա պատասխան է տալու իր արածի համար։
Տեղադրվել է 8/30/2018