Գնահատեք բժիշկ Արթուր Գրաբսկիին
Շնորհակալություն Ձեր գնահատականի համար: Մենք այն հնարավորինս շուտ կուսումնասիրենք և էլեկտրոնային փոստի միջոցով Ձեզ կհայտնենք հաստատման կամ մերժման մասին:
Դուք, կամ որևէ այլ անձ արդեն գնահատել է այս բժշկին տվյալ համակարգչից
Ուզում եմ շնորհակալություն հայտնել Իզմիրլյան ԲԿ-ի ուրոլոգիայի բաժնի վարիչ, ուրոլոգ Արթուր Գրաբսկիից, ուրոլոգ Իրինա Շինդյանից, և ողջ անձնակազմից` իրենց կատարած հիանալի աշխատանքի համար։ Թե Հայաստանի, թե արտերկրի բազմաթիվ բժիշկների հետ խոսելուց հետո, սեպտոմբերի 2-ին, բոլոր անհրաժեշտ ստուգումներն անցնելուց հետո, եղբայրս` Լ. Հոլիկյանը վիրահատվեց։ Վիրահատությունը, որը սովորաբար տևում է 2-3 ժամ, տևեց 7 ժամ, քանի որ դեպքը յուրահատուկ էր` կախված եղբորս առողջական վիճակից։ Գիտեինք, որ հեշտ վիրահատություն չէ, բայց ամեն ինչ սպասածից բարդ էր ընթացել։ Սակայն բժիշկների պրոֆեսիոնալիզմի և հոգատարության շնորհիվ ամեն ինչ բարեհաջող ավարտվեց։ Վիրահատությունից հետո բժիշկ Գրաբսկիի և Շինդյանի խոսքն այնքան հանգստացնող էր, նրանց աչքերի դրական արտահայտությունն այնքան հուսադրող, որ այդ 7 ժամերի անհանգստությունը մոռացվեց ու հասկացանք, որ միանշանակ ճիշտ ընտրություն ենք կատարել` դիմելով հենց այս բժիշկներին։ Հետվիրահատական խնամքը հիվանդանոցում ուղղակի լավն անվանելը քիչ է։ Յուրաքանչյուր աշխատող գիտեր իր գործը և անում էր այն ամենայն պատասխանատվությամբ ու մեծագույն սիրով։ Սա ևս խոսում է բժիշկ Գրաբսկիի պրոֆեսոնալիզմի մասին, որովհետև միայն իրական պրոֆեսիոնալն է իր թիմում այսքան լավ մարդ ու աշխատող հավաքում։ Եվս մեկ անգամ շնորհակալություն ենք հայտնում ցուցաբերված մեծագույն ուշադրության և մարդասիրության համար Իզմիրլյան ԲԿ-ի Ուրոլոգիայի բաժանմունքի բոլոր աշխատողներից` ի դեմս բժիշկ Արթուր Գրաբսկիի և Իրինա Շինդյանի։ Հատկանշական է նաև, որ 7 ժամ տևած վիրահատությունից հետո բժիշկ Գրաբսկին շարունակում էր ընդունել սպասասրահում սպասող հիվանդներին, ինչը նույնպես խոսում է իր` աշխատանքին նվիրված լինելու մասին։
| Տեղադրվել է 9/13/2020