Գնահատեք բժիշկ Անուշ Ալեքսանյանին
Բժիշկ Անուշ Ալեքսանյանի Գնահատականները
Անուշին դիմելու հիմնական շարժառիթը եղել է մշտական տագնապի զգացումը և վերջին շրջանում դրա սրացումը: Տագնապի զգացումը ուղեկցվում էր կպչուն մտքերով (ինձ կամ հարազատներիցս մեկի հետ "վատ բան" կպատահի), կյանքից հաճույք ստանալու անկարողությամբ, հոռետեսությամբ, մշտապես անկումային տրամադրությամբ, ծայրաստիճան մեղքի զգացումով և այլն: Անուշի հետ աշխատանքի շնորհիվ անհամեմատ փոխվել է իմ կյանքի որակը. վերագտել եմ ներքին խաղաղությունն ու ներդաշնակությունը (որոնք կորցրել էի վերջին 10 տարիներին), դարձել եմ լավատես, կարողանում եմ հաճույք ստանալ ամենափոքր մանրուքից/իրադարձությունից, վերացել են անկազմակերպվածությունը, ծուլությունը: Նաև շատ կարևոր մի բան. կարողանում եմ գնահատել ինքս ինձ և ավելի արդյունավետ կառուցել հարաբերություններս շրջապատի հետ: Դրական փոփոխությունները իսկապես շատ են, բոլորը անհնար է թվել կամ բառերով նկարագրել, դա նկատում են նաև հարազատներս, ինչի համար անսահման շնորհակալ եմ Անուշին: Չեմ կարող չնշել նաև, թե ինչքան հաճելի է եղել Անուշի հետ յուրաքանչյուր հանդիպումը. լուսավոր, խաղաղ ու շա~տ դրական անձնավորություն, ում հետ հանդիպումից հետո սկսում ես չափանզանց շատ սիրել ու գնահատել կյանքը: <3
Նախ ցանկանում եմ շնորհակալություն հայտնել Անուշին ինձ դժվարին պահին ծայրահեղ հուսահատ վիճակից հանելու և ճիշտ ուղու վրա դնելու համար: Մի փոքր մանրամասն մեկնաբանեմ իմ դեպքը: Ես երիտասարդ կին եմ, չամուսնացած: Վաղ մանկական տարիքից տառապել եմ օբսեսիվ-կոմպուլսիվ շեղումով: Սակայն միշտ խուսափել եմ դիմել մասնագետի: Երբ շեղումը կտրուկ խորացավ, սրվեց հիվանդություններից վախը և ես ընկա խորը սթրեսային վիճակի մեջ, դիմեցի Անուշին: Վերջինիս գտա Երկուսով հոգեբանական կենտրոնի միջոցով: Ես ուղղակի ինձ վերածնված զգացի առաջին իսկ հանդիպումից հետո: Անուշի մեթոդները ուղղակի օգնեցին ինձ խնդրին նայել այլ տեսանկյունից և արմատները գտնել իմ չափից շատ ցածր ինքնագնահատականի մեջ: Յուրաքանչյուր հանդիպման հետ ավելի ու ավելի էի ինքնավստահ դառնում, ինքս պայքարում շեղմանս վերացման և իմ ինքնագնահատականի բարձրացման համար: Եվ շատ կարճ ժամանակում՝ 4-5 այցի ընթացքում ես ինձ զգացի լրիվ ուրիշ անձ: Ես նույնսիկ չէի կասկածում, որ իմ խնդիրների գերակշիռ մասը պայմանավորված էր ցածր ինքնագնահատականովս: Հատկապես չստացվող հարաբերությունները կամ սխալ մարդկանց իմ շուրջը հավաքելը, ինչն էլ հաճախ դառնում էր խորը սթրեսի պատճառ և ավելի սրում ՕԿ շեղումս: Այցերի ընթացքում ես կտրուկ փոփոխություններ արեցի կյանքումս, ընդունվեցի երազածս աշխատանքին, որին առաջ արժանի չէի համարում ինձ: Անուշի շնորհիվ սկսեցի ուրիշ հայացքով նայել ինքս ինձ և ինձ շրջապատող մարդկանց: Հասկացա, որ ես ապրում եմ իմ հաճույքի, այլ ոչ ուրիշներին հաճոյանալու համար: Վերացրի անարժան մարդկանց ինձ մոտ թողնելու և նրանցից հարգանք պահանջելու անիմաստ մոտեցումը: Վերացրի օբսեսիվ կոմպուլսիվ շեղումս 99% ով: Այն 1% էլ համոզված եմ զուտ ռեֆլեքս է, որը կվերացնենք Անուշի հետ միասին, քանի որ հանդիպումները դեռ շարունակում եմ արդյունքն ամրապնդելու համար: Այժմ ես ինձ զգում եմ լրիվ ուրիշ մարդ, որ ապրում է լրիվ ուրիշ հասուն սկզբունքներով: Այս ամենը Անուշի շնորհիվ: Հրաշալի մասնագետ, հաճելի անձնավորություն, ում հետ այցերը դառնում են հետաքրքիր ինքնաբացահայտման մի ձև: Շնորհակալություն
Երկար ժամանակ մտածում էի, ում կարելի է դիմել և ֆ/բ սոցցանցում պատահաբար տեսա ինձ համար արդեն շատ սիրելի Անուշ Ալեքսանյանին, որը ամեն շաբաթ ուղիղ եթերով պատասանում էր մարդկանց հուզող հարցերին` բոլորովին անշահախնդիր, տալով շատ տեղին ու դիպուկ պատասախաններ; Ես հասկացա , որ հենց իրեն պիտի դիմեմ:ԵՍ, ամուսնացած լինելով, հասկացել էի, որ նախընտրում եմ կանանց: ՈՒնեի շատ լուրջ բախում իմ և ´ հոգեկան ներաշխարհում, և´ դրանից բխող խնդիրներ ընտանիքում, երեխաների հետ ու միջավայրում: Շատ կարճ ժամանակահատվածում(ընդամենը 5 այցից հետո) Անուշի օգնությամբ ես կարողացա հասնել ներքին ներդաշնակության, սովորեցի ընդունել ինձ այնպիսին ինչպիսին կամ ու անլուծելի թվացող խնդիրներիս ինձ համար լուծելի են... Շնորհակալ եմ Անուշ Ալեքսանյան Մարդ տեսակին ու արտակարգ հոգեբանին...
Հոգեբան էի փնտրում։ Ընտրեցի Անուշին՝ տեսնելով թե ինչ մեծ ու անշահախնդիր գործ է անում ֆեյսբուքում, օգնելով թե որպես ծնող և թե որպես անհատ։ Չսխալվեցի, օգնեց կարգավորել/բարձրացնել ինքնագնահատականս, հարաբերություններս կարգավորել ընտանիքում և բարեկամնեիս հետ։ Սովորեցրեց տարբերել մեղադրանքը պատասխանատվությունից, հարգել ինքս ինձ, իմ կամքը։ Անուշը իմ հանդիպած ամենապրակտիկ հոգեբանն է, շատ ժամանակակից մտածելակերպով։ Անուշը նաև շատ գրագետ, հաճելի ու հետաքրքիր անձնավորություն է։ Շնորհակալ եմ շատ, շատ ու էլի շատ։
Երկար տարիներ է արդեն բնակվում եմ Հայաստանից դուրս։ Էստեղ դիմեցի հոգեբանի, սակայն շատ պրակտիկ լուծումներ առաջարկեցին՝ կամ բաժանվել կամ վերադառնալ հայրենիք։ Բացի արտաքին ազդեցություններից, ունեի նաև ներանձնային, ներընտանեկան խնդիրներ, որոնց պատճառով հայտնվել էի շատ խորը հոգեբանական ճգնաժամի մեջ, ամեն օրը ավարտին հասցնելը շատ մեծ ջանքեր էր պահանջում։ Էստեղ դիմեցի հոգեբանի, սակայն շատ պրակտիկ լուծումներ առաջարկեցին՝ կամ բաժանվել կամ վերադառնալ հայրենիք։ Մեր՝ ամուսիններիս միջև խնդիրները սկսել էին արդեն դառնալ նաև երեխայինը։ Անուշի հետ հոգեթերապիայի արդյունքում սկսեցի վերգտնել այն արժեքները, որոնք պրոբլեմները սրբել տարել էին՝ թողնելով միայն կենցաղը և կենցաղայինը, վերգտնել տվյալ իրավիճակը սթափ գնահատելու ունակությունը, որոշ չափով ազատվել մեղքի զգացումից և դիմացինին մեղադրելու սովորությունից։ Իմ կյանքում ոչինչ չի փոխվել, սակայն իմ վերաբերմունքը կյանքի հանդեպ Անուշի օգնությամբ փոխելուց հետո սկսել եմ մի փոքր վայելել կյանքը, ինքնստինքյան բարձրացել է ինքս իմ անձի նկատմամբ հարգանքը։ Երեխայիս հետ հարաբերությունները դարձել են ավելի հանգիստ։ Անուշի խորհուրդների շնորհիվ երեխայիս ձեռքբերումները իմը լինելուց բացի դարձել են հենց իրենը, որի շնորհիվ էլ ավելի լավ արդյունքներ ենք ունենում։ Շատ ուրախ եմ, որ հանդիպեցի Անուշի նման գրագետ մասնագետի։
| Տեղադրվել է 10/2/2018