Գրանցվել |
Մուտք | Գրանցվել Որպես Բժիշկ

Գնահատեք բժիշկ Լիլիթ Ոսկանյանին

Բժիշկ Լիլիթ Ոսկանյանի Գնահատականները

1
Անձ
1
Ճշտապահ
1
Արդյունք
1
Գիտելիք

Ամենասկզբում ասեմ, որ մայրս այսօր՝ վիրահատությունից 6 ամիս անց, հաշմանդամության կարգ է ստացել՝ ֆունկցիոնալ սահմանափակման աստիճանը՝ խորը, սահմանափակման տոկոսը՝ 85 տոկոս։ Նախկինում որևէ հաշմանդամություն չի ունեցել։ Սա է վիրահատության արդյունքը։ Լիլիթ Ալբերտի Ոսկանյանը 6 ամիս առաջ վիրահատել է մորս միակ տեսնող ձախ աչքը՝ գլաուկոմա և կատարակտա ախտորոշմամբ։ Սա միակ տեսնող աչքն էր, որովհետև աջ աչքի տեսողությունը մայրս ավելի վաղ էր կորցրել։ Երկու՝ գլաուկոմա և կատարակտա վիրահատություներն էլ կատարվել է նույն օրը, միաժամանակ, վճարովի հիմունքներով՝ 500 հազար դրամ արժողությամբ։ Վիրահատությունից առաջ մայրս այդ մեկով աչքով տեսել է այնքան, որ կարողացել է ակնոցով կարդալ, օգտվել սմարթֆոնից ու համակարգչից, թոռներին տանել մանկական ժամանցի վայրեր և այլն, այսինքն ֆունկցիոնալ առումով լիովին անկախ մարդ է եղել։ Խորհրդատվության օրը տիկին Ոսկանյանը վստահեցրել է, որ վիրահատության արդյունքում ձախ աչքի տեսողությունը կպահպանվի, այնքան որքան այդ պահին կա։ Որևէ ռիսկերի մասին խոսք չի եղել։ Միայն լավատեսական կանխատեսումներ և անհապաղ վիրահատվելու հորդորներ։ Մենք լիովին վստահել ենք տիկին Ոսկանյանին, բայց հիմա որևէ մեկի խորհուրդ չենք տա նույնիսկ բուժման նպատակով դիմել նրան, իսկ վիրահատության համար առավել ևս։ Վիրահատությունից հետո 2 ամիս մայրս բացարձակ չի տեսել, նույնիսկ լույսն ու մութը չէր կարողանում տարբերել։ Տիկին Ոսկանյանը դա բացատրում էր վիրահատության արդյունքում առաջացած արյան զեղումով՝ հիֆեմա, որի պատճառով արյունը փակել էր ոսպնյակը և թույլ չէր տալիս տեսնել։ 2 ամիս անց արյունը անցավ, որի արդյունքում որոշակի լավացում եղավ, բայց ընդամենը այն աստիճան, որ մայրս կարողանում էր լույսն ու մութը տարբերել, տեսնել ձեռքի շարժը դեմքի առաջ, բայց առանց կարողանալու հաշվել նույնիսկ ցույց տված ձեռքի մատները։ Լավացումը սահմանափակվեց այսքանով։ Եւս մեկ ամիս անց, երբ սկսեցինք տիկին Ոսկանյանից բացատրություն պահանջել, հասկանալու համար, թե ինչու է ընթացքը այսպիսին և ե՞րբ է վերականգնվելու իր խոստացած տեսողությունը, որը կար մինչև վիրահատությունը, տիկինը առանց ամոթի, սառնասրտորեն ու ցինիկաբար սկսեց արդարանալ, որ իբր թե մորս օգրանիզմի առանձնահատկություններով և հիվանդության բարդության աստիճանով պայմանավորված մեր ակնկալված արդյունքը չի եղել։ Դա կարծես սառը ցնցուղ լիներ մեզ համար: Արդյունքում դիմեցինք այլ բժիշկների երկրորդ և երրորդ կարծիքը լսելու համար և պարզվեց, որ վիրահատության արդյունքում գլաուկոման փաստացի չի բուժվել, աչքի ճնշումը շարունակում է նորմայից բարձր մնալ, տեսանյարդերի 95 տոկոսը վնասված են, իսկ մյուս 5 տոկոսը, վնասման վտանգի տակ։ Այս պահին փորձում ենք պահպանել այդ 5 տոկոսը դեղերի օգնությամբ։ Ես տիկին Ոսկանյանին ասել եմ, որ Աստված է իրեն դատավոր։ Թող այլևս ոչ-ոք չարժանանա այն բախտին, որը մորս վիճակվեց․․․ Առողջություն եմ մաղթում բոլորին․․․

| Տեղադրվել է 1/10/2025


5
Անձ
5
Ճշտապահ
5
Արդյունք
5
Գիտելիք

Հիանալի բժշկուհի, լավ մարդ, լավ մասնագետ:Շատ շնորհակալ եմ հայրիկիս աչքերի տեսողությունը վերականգնելու համար:

| Տեղադրվել է 11/1/2024

5
Անձ
5
Ճշտապահ
5
Արդյունք
5
Գիտելիք

Շատ բարեսիրտ բժշկուհի անչափ շնորհակալ ենք նրան իր կատարած աշխատանքի համար Վիրահատությունը կատարվել է իդեալական մայրիկս ունի հարյուր տոկոս տեսողություն

| Տեղադրվել է 1/28/2024

1
Անձ
1
Ճշտապահ
1
Արդյունք
1
Գիտելիք

Փոքրիկս ծնվել էր բնածին գլաուկոմայով։ Այս բժիշկ կոչվածը վստահեցրել էր մեզ որ ԱՊՀ տարածաշրջանում լավագույն բուժօգնությունն են ստանում մեր հիվանդները, ու ցավոք սրտի վստահեցինք ու խափնվեցինք նրա խոսքերին։ Ոչ լիարժեք հետազոտություն, անգրագետ վիրահատություններ։ 2-րդ վիրահատությունից հետո երեխայի աչքը արնահոսել էր ու եղջերաթաղանթը լրիվ խամրել, ու պուճուրը ցավից չէր կարողանում աչքը բացել, ահավոր թույլ էր, իսկ նա վստահաբար ասում էր որ դա հետվիրահատական բարդություն չէ։ Ամեն անգամ երբ հարցնում էի եղջերաթաղանթի խամրած լինելու մասին ասում էր վատագույն դեպքում փոխպատվաստում կանենք։ Արդյունքում երեխայի աչքը մի քանի ամիս այդ վիճակում մնալուց հետո մեզ ասում է, որ պետք է ոսպնյակը հեռացնի, քանի որ ոսպնյակն առաջնային խցիկ է եկել և դա է պատճառը որ խամրել է աչքը։ Այդ չարաբաստիկ վիրահատությունից հետո ասում է որ աչքը առարկայական տեսողություն չի ունենա բայց լուսազգայուն կլինի։ Հենց հաջորդ օրը երեխային երկրից տանում ենք Մոսկվա, Գելմգոլցի կլինիկա, որտեղ 6 պրոֆեսոր հետազոտելուց հետո ասում են որ աչքը որպես օրգան գոյություն չունի, քանի որ սուբատրաֆիայի է ենթարկվել, ու լուսազգայունության մասին խոսք անգամ գնալ չի կարող, և աբսուրդ էր գիֆեմայի ենթարկված աչքից ոսպնյակ հեռացնելը։ Արդյունքում 1 տարեկան աղջիկս անվերադարձ կորցրել է մեկ աչքի տեսողությունը այդ չարագործի թեթև ձեռքով։

| Տեղադրվել է 4/28/2023

1
Անձ
1
Ճշտապահ
1
Արդյունք
1
Գիտելիք

Բարեբախտաբար այս «բժշկուհու» հետ հանդիպումը չտարավ չարաբաստիկ վիրահատության ինչպես եղել է շատերի մոտ ու այս կայքի մեկնաբանությունները ինձ դրանում օգնեցին։ Ես էլ եմ գրում, որ գոնե որոշները կարողանան փրկել իրենց տեսողությունը այդ կոմերցիոն գործչից, ով մարդկային առողջությունը, աչքի լույսը ու մարդկային ճակատագրերը դարձրել է իր համար պարզապես բիզնեսի միջոց։ Ես այցելեցի նրան բարձր աչքերի ճնշման կասկածով, որը ինչպես մի շարք հետազոտությունների արդյունքում պարզվեց գլաուկոմա չէր, իսկ այդ «բիզնեսլեդին» միայն հիմնվելով բարձր ճնշման ցուցչի վրա, առանց մանրամասն հետազոտելու ախտորոշեց գլաուկոմա և առաջարկեց վիրահատել/շունտավորել այն դեպքում, որ նրա առաջարկած մեթոդը ինձ կարող էր հասցնել կուրության, քանի որ աչքս ուներ այլ խնդիրներ, բայց նա երևի չափազանց զբաղված մարդ էր,որ մանրամասն հետազոտեր, հասկանար։ Ինձ այդ փաստը ետ պահեց այդ «բժշկի» մոտ հետագա այցերից։ Ժողովուրդ ջան, ուշադիր եղեք Ձեր առողջությանը ու աչքի լույսին։

| Տեղադրվել է 2/18/2023

Բաժանորդագրվել նորություններին